Tut tenor il studi en mira èsi necessari da reussir ina procedura d'admissiun specifica per pudair entrar en ina scola auta spezialisada. L'attestat da scola media spezialisada en il champ professiunal «pedagogia» pussibilitescha da cumenzar senza examen cun ina scolaziun per persunas d'instrucziun per il stgalim preliminar e per il stgalim primar ad ina scola auta da pedagogia. Cun reussir l'examen cumplementar tenor il reglament davart la passarella pussibilitescha l'attestat da maturitad spezialisada d'entrar en las scolas autas universitaras.